ភ្នំពេញ៖ នៅថ្ងៃទី០៧ ខែតុលា ឆ្នាំ២០២៤ សមាគមសហគ្រិនវ័យក្មេងកម្ពុជា សមាគមធនាគារនៅកម្ពុជា និងសមាគមមីក្រូហិរញ្ញវត្ថុកម្ពុជា បានសហការរៀបចំកម្មវិធី “ជំនួបរវាងសហគ្រិនជាមួយគ្រឹះសា្ថនហិរញ្ញវត្ថុ” លើកទី៤ នៅសណ្ឋាគារអូឡាំព្យាស៊ីធី រាជធានីភ្នំពេញ។ កិច្ចជំនួបនេះធ្វើឡើងក្នុងគោលបំណងបង្កើតឱកាសដល់សហគ្រិនដែលជាម្ចាស់អាជីវកម្មគ្រប់វិស័យជាពិសេសវិស័យកសិកម្ម អាចជួប ផ្គូផ្គង និងផ្សារភ្ជាប់ទំនាក់ទំនងជាមួយគ្រឹះសា្ថនហិរញ្ញវត្ថុនៅកម្ពុជា ដើម្បីផ្លាស់ប្តូរមតិយោបល់ ស្វែងយល់ពីតម្រូវការគ្នាទៅវិញទៅមក ដូចជាលក្ខខណ្ឌកម្ចី ការផ្តល់ជូនពិសេស ប្រភេទនៃហិរញ្ញប្បទាន ផលិតផល និងសេវាកម្មហិរញ្ញវត្ថុរបស់គ្រឹះសា្ថនហិរញ្ញវត្ថុ ដែលជាកត្តាមួយដ៏សំខាន់សម្រាប់ជួយគាំទ្រហិរញ្ញប្បទានដល់វិស័យធុរកិច្ចនៅកម្ពុជា និងរួមចំណែកដ៏សំខាន់ក្នុងការអភិវឌ្ឍសេដ្ឋកិច្ចជាតិនៃកម្ពុជា។

ការលើកកម្ពស់ និងជំរុញលទ្ធភាពទទួលបានហិរញ្ញប្បទានសម្រាប់សហគ្រិន​ និងម្ចាស់អាជីវកម្មនៅកម្ពុជា គឺជាសកម្មភាពស្នូល និងអាទិភាពដែលសមាគមទាំងបី ផ្តោតជាសំខាន់សម្រាប់ អភិវឌ្ឍធុរកិច្ច និងសេដ្ឋកិច្ចនៅកម្ពុជា ដែលក្នុងនោះរួមមាន សមាគមសហគ្រិនវ័យក្មេងកម្ពុជា (กYEAC) ដែលមាន ឧកញ៉ា ប៉ិច បូឡែន ជាប្រធាន និងដែលជាសមាគមតំណាងសហគ្រិន និងម្ចាស់អាជីវកម្ម សមាគមធនាគារនៅកម្ពុជា (ABC) ដែលមានលោក រ័ត្ន សោភ័ណ ប្រធាន និងដែលជាសមាគមតំណាងគ្រឹះស្ថានធនាគារ និងសមាគមមីក្រូហិរញ្ញវត្ថុកម្ពុជា (CMA) ដែលមានលោកជំទាវ ឌិត នីតា ជាប្រធានក្រុមប្រឹក្សាភិបាល និងដែលជាសមាគមតំណាងគ្រឹះស្ថានមីក្រូហិរញ្ញវត្ថុ។

ឧកញ៉ា ប៉ិច បូឡែន បានមានប្រសាសន៍ថា  “សមាគមទាំងបីបានសហការគ្នាក្នុងភាពជាដៃគូយុទ្ធសាស្ត្រ បង្កើតនូវកម្មវិធីគាំទ្រជាច្រើនដស់សហគ្រាស និងបានពិភាក្សាលើការបង្កើតឲ្យមានជម្រើសជាច្រើន ក្នុងការជំរុញបន្ថែមលើលទ្ធភាពទទួលបានហិរញ្ញប្បទានសម្រាប់សហគ្រិន និងម្ចាស់អាជីវកម្ម។ ជាក់ស្ដេង ថ្មីៗនេះសមាគមទាំងបីបានសហការជាមួយដៃគូពាក់ព័ន្ធជាច្រើនដូចជា ក្រុមហ៊ុនក្រេឌីត ប្យួរ៉ូ ខេមបូឌា (CBC) និងសាជីវកម្មហិរញ្ញវត្ថុអន្តរជាតិ (IFC) ក្នុងការបង្កើតនូវវគ្គបណ្ដុះបណ្ដាលអំពីលទ្ធភាពទទួលបានហិរញ្ញប្បទានពីធនាគារ ក្នុងនោះរួមមានដូចជាវគ្គបណ្ដុះបណ្ដាលស្ដីពីខ្សែចង្វាក់ផ្គត់ផ្គង់ហិរញ្ញវត្ថុ (Movable Asset and Supply Financing) ជាដើម ក្នុងគោលបំណងផ្ដល់ជាជម្រើសបន្ថែម ដើម្បីឲ្យសហគ្រិន និងម្ចាស់អាជីវកម្មមានជម្រើសច្រើនសម្រាប់ទទួលបានការផ្គត់ផ្គង់ហិរញ្ញវត្ថុកាន់តែប្រសើរសម្រាប់គាំទ្រអាជីវកម្ម ព្រោះខ្សែ​ចង្វាក់​ផ្គត់ផ្គង់​ហិរញ្ញវត្ថុនេះត្រូវបានប្រើប្រាស់ច្រើន និងពេញនិយមខ្លាំង ជាពិសេសនៅប្រទេសសិង្ហបុរី និងបណ្តាប្រទេសជាច្រើនទៀតក្នុងតំបន់ និងសកលលោកផងដែរ។”

ឧកញ៉ាប្រធានបានបញ្ជាក់បន្ថែមថា “ឆាប់ៗខាងមុខនេះសមាគមនឹងប្រកាសដាក់ឲ្យដំណើការនូវ MSME Digital Lending Plateform សម្រាប់ជួយសម្រួល និងជំរុញឲ្យកាន់តែប្រសើរឡើងនូវលទ្ធភាពទទួលបានហិរញ្ញប្បទានពីធនាគារ។ ម្ចាស់អាជីវកម្មត្រូវត្រៀមរៀបចំខ្លួនឲ្យបានល្អ ដូចជាការទទួលយកបច្ចេកវិទ្យាទៅប្រើប្រាស់នៅក្នុងអាជីវកម្មរបស់ខ្លួន និងត្រូវមានអភិបាលកិច្ចអាជីវកម្មឱ្យបានកាន់តែប្រសើរឡើង ព្រោះនៅក្នុងសកលភាវូបនីយកម្មនេះ ជាពិសេសការរីកចម្រើនផ្នែកបច្ចកវិទ្យា និងឌីជីថល យើងត្រូវស្វះស្វែង និងចេះទាញយកប្រយាជន៍ពីជម្រើសហិរញ្ញប្បទានប្រកបដោយភាពច្នៃប្រឌិតបន្ថែមទៀត ដូចជាកម្ចីបែបខ្សែ​ចង្វាក់​ផ្គត់ផ្គង់​ហិរញ្ញវត្ថុ។ ប្រសិនយើងមិនស្វែងរកអ្វីដែលថ្មីទេ វាពិបាកណាស់សម្រាប់ការអភិវឌ្ឍអាជីវកម្ម ជាពិសេសអាជីវកម្មបង្កើតថ្មី និងសហគ្រាសធុនតូច និងមធ្យមដែលមិនមានទ្រព្យបញ្ចាំ។”

កម្មវិធីជំនួបរវាងសហគ្រិនជាមួយគ្រឹះស្ថានហិរញ្ញវត្ថុនេះ បានទទួលការអញ្ជើញចូលរួមពីថ្នាក់ដឹកនាំរបស់សមាគមសំខាន់ៗទាំង ៣ នៅកម្ពុជា និងស្ថាប័នដៃគូ រដ្ឋាភិបាល ដៃគូអភិវឌ្ឍន៍ និងតំណាងមកពីស្ថាប័នគ្រឹះស្ថានហិរញ្ញវត្ថុនានា ព្រមទាំងសហគ្រិនដែលជាម្ចាស់អាជីវកម្មប្រមាណជាជាង ២៥០ នាក់មកពីគ្រប់វិស័យ រួមមានវិស័យអប់រំ សុខាភិបាល សេវាកម្ម បច្ចេកវិទ្យា កសិកម្ម ទេសចរណ៍ សំណង់ និងចំណីអាហារជាដើម។

លោក រ័ត្ន សោភ័ណ បានលើកឡើងថា “វិស័យធនាគារបានដើរតួយ៉ាងសំខាន់ក្នុងការជួយគាំទ្រផ្នែកហិរញ្ញវត្ថុដល់ក្រុមហ៊ុនសហគ្រាសធុនតូច និងមធ្យមដែលជាឆ្អឹងខ្នងសេដ្ឋកិច្ចកម្ពុជា និងជាស្ថាប័នដែលមានតួនាទីសំខាន់ខ្លាំងក្នុងការជួយពង្រឹងដល់ស្ថិរភាពហិរញ្ញវត្ថុរបស់ប្រទេសជាតិទាំងមូល។ ក្នុងកាលៈទេសៈដែលសេដ្ឋកិច្ចកំពុងងើបឡើងវិញនេះ ការផ្ដល់សេវាហិរញ្ញវត្ថុប្រកបដោយទំនួលខុសត្រូវពីគ្រឹះស្ថានធនាគារ នឹងជួយជំរុញប្រតិបត្តិការអាជីវកម្ម និងសេដ្ឋកិច្ចកម្ពុជាបានកាន់តែលឿន។​ យ៉ាងណាក៏ដោយ ម្ចាស់អាជីវកម្មក៏ត្រូវស្វែងយល់ផងដែរ អំពីប្រភេទផលិតផលធនាគារដែលស័ក្ដិសមទៅនឹងប្រភេទអាជីវកម្មរបស់ខ្លួន ជាពិសេសមុននឹងសម្រេចចិត្តស្នើឥណទាន និងចៀសវាងការងាកទៅរកកម្ចីក្រៅប្រព័ន្ធដែលអាចនឹងមានហានិភ័យខ្ពស់”។

សមាគមទាំងបីប្ដេជ្ញាបន្តបង្កើនកិច្ចសហប្រតិបត្តិការឲ្យកាន់តែខ្លាំង និងសកម្មបំផុតក្នុងការដោះស្រាយនូវរាល់បញ្ហាប្រឈមរបស់វិស័យធុរកិច្ចនៅកម្ពុជាដែលសហគ្រិនកំពុងជួបប្រទះ តាមរយៈការសហការរៀបចំផ្ដល់ជាវគ្គបណ្ដុះបណ្ដាលអំពីការគ្រប់គ្រងសាច់ប្រាក់ ទុនបង្វិល ការស្វែងយល់អំពីរបាយការណ៍ហិរញ្ញវត្ថុ សិក្ខាសាលាពាក់ព័ន្ធ និងកម្មវិធីជំនួបដោយផ្ទាល់រវាងម្ចាស់អាជីវកម្មជាមួយគ្រឹះស្ថានធនាគារ និងហិរញ្ញវត្ថុដើម្បីពិគ្រោះយោបល់ និងស្វែងរកដំណោះស្រាយសមស្របសម្រាប់អាជីវកម្មរបស់ពួកគេ។

លោកជំទាវ ឌិត នីតា បានថ្លែងនៅក្នុងកម្មវិធីថា “គ្រឹះស្ថានមីក្រូហិរញ្ញវត្ថុ មិនមែនផ្ដល់ឥណទានតែត្រឹមកម្រិតបុគ្គលប៉ុណ្ណោះទេ ប៉ុន្តែមានផ្ដល់ជូនដល់ក្រុមហ៊ុនសហគ្រាសធុនមីក្រូ តូច និងមធ្យមជាយូរមកហើយ និងទៅលេីគ្រប់វិស័យនៃខឿនសេដ្ឋកិច្ច។  ថ្វីត្បិតតែ អត្រាការប្រាក់ខ្ពស់ជាងគ្រឹះស្ថានធនាគារបន្តិចមែន ប៉ុន្តែក៏មានចំណុចវិជ្ជមានមួយចំនួនដែលម្ចាស់អាជីវកម្មអាចពិចារណាដូចជានីតិវិធីស្នើឥណទានមិនស្មុគស្មាញ និងមានភាពបត់បែនច្រើនសម្រាប់អាជីវកម្ម ជាពិសេសអាជីវកម្មនៅតំបន់ដាច់ស្រយាល។ យ៉ាងណាមិញ ម្ចាស់អាជីវកម្មខ្នាតមីក្រូ តូច និងមធ្យមទាំងអស់ គួរត្រៀមខ្លួនឱ្យបានរួចរាល់ តាមរយៈការចុះបញ្ជីឲ្យបានត្រឹមត្រូវ ពង្រឹងសមត្ថភាពផ្នែកហិរញ្ញវត្ថុ និងគណនេយ្យ ដើម្បីជាមូលដ្ឋានចម្បងក្នុងការឈានទៅរកប្រភពទុនបន្ថែម ដែលក្នុងនោះ ឥណទានពីគ្រឹះស្ថានមីក្រូហិរញ្ញវត្ថុ អាចជាជម្រើសមួយក្នុងចំណោមប្រភពទុនជាច្រើនផ្សេងទៀត”។

គួររំឭកផងដែរថា សមាគមទាំងបីបានអនុវត្តកម្មវិធីលទ្ធភាពទទួលបានហិរញ្ញប្បទាន ប្រកបដោយជោគជ័យចាប់ពីឆ្នាំ ២០២១ ដល់ឆ្នាំ ២០២៤ ក្នុងនោះរួមមានវគ្គបណ្ដុះបណ្ដាល ក៏ដូចជាវគ្គតម្រង់ទិស និងសិក្ខាសាលាផ្សេងៗស្តីពីប្រធានបទសំខាន់ៗដែលពាក់ព័ន្ធនឹងហិរញ្ញវត្ថុ និងគណនេយ្យ ដូចជាការគ្រប់គ្រងលំហូរសាច់ប្រាក់ ការត្រៀមខ្លួនដើម្បីទទួលបានហរិញ្ញប្បទាននិងទុនវិនិយោគជាដើម។ គិតមកទល់ពេលនេះ កម្មវិធីនេះបានផ្ដល់អត្ថប្រយោជន៍ដល់សហគ្រាសធុនមីក្រូ តូច និងមធ្យមប្រមាណជាជាង ២៤០០ សហគ្រាស ក្នុងនោះសហគ្រាសដែលជោគជ័យក្នុងការទទួលបានហិរញ្ញប្បទានសរុបជាទំហំទឹកប្រាក់ប្រមាណជាជាង ៧ លានដុល្លារ។

គាំទ្រដោយ៖

• គម្រោង Feed the Future Cambodia Harvest III
• ទីភ្នាក់ងារសហរដ្ឋអាមេរិកសម្រាប់ការអភិវឌ្ឍអន្តរជាតិ (USAID)
• សហគ្រិនខ្មែរ (KE)

ម្ចាស់ឧបត្ថម្ភកម្មវិធីលទ្ធភាពទទួលបានហិរញ្ញប្បទាន៖

Diamond Sponsor:

• ធនាគារវឌ្ឍនៈអាស៊ីចំកាត់ (អេប៊ីអេ)

Silver Sponsors:

• ធនាគារអភិវឌ្ឍន៍ជនបទ និងកសិកម្ម
• ធនាគារ កាណាឌីយ៉ា
• ធនាគារ ជេ ត្រាស់ រ៉ូយ៉ាល់ ម.ក

Event Sponsor:

• ធនាគារ សហគ្រាសធុនតូច និងមធ្យម កម្ពុជា
• Credit Bureau Cambodia Co. , Ltd

Refreshment Sponsor:

• នាឡិ – Neal

[English below]

ទីក្រុងវៀងច័ន្ទន៍ ប្រទេសឡាវ នាថ្ងៃទី ៣ ខែតុលា ឆ្នាំ ២០២៤ ឧកញ៉ា ប៉ិច បូឡែន ប្រធានសមាគមសហគ្រិនវ័យក្មេងកម្ពុជា (YEAC) និងជាប្រធានក្រុមប្រឹក្សាសហគ្រិនវ័យក្មេងអាស៊ាន (AYEC) ប្រចាំកម្ពុជា បានដឹកនាំប្រតិភូចំនួន ២០ រូប ចូលរួមកម្មវិធីមហោស្រពសហគ្រិនវ័យក្មេងអាស៊ានលើកទី៩ ឆ្នាំ២០២៤ (AYEC)។

AYEC គឺត្រូវបានទទួលថាជាសំឡេងផ្លូវការរបស់សហគ្រិនវ័យក្មេង ក្នុងដំណើរការបង្កើតគោលនយោបាយអាស៊ាន។ AYEC ត្រូវបានស្នើឡើងដោយជោគជ័យដោយក្រុមប្រឹក្សាប្រឹក្សាធុរកច្ចអាស៊ាន (ASEAN-BAC) ទៅកាន់មេដឹកនាំអាស៊ានក្នុងឆ្នាំ២០១៥ ហើយក្រោយមកនៅឆ្នាំនោះដែរ បានបើកដំណើរការនៅទីក្រុងកូឡាឡាំពួរប្រទេសម៉ាឡេស៊ី។ AYEC មានបណ្តាញរបស់រដ្ឋាភិបាលដែលគាំទ្រសមាគមសហគ្រិនវ័យក្មេងមកពីរដ្ឋសមាជិកអាស៊ានទាំង ១០។ កម្មវិធីនេះជាព្រឹត្តិការណ៍ប្រចាំឆ្នាំ ហើយក្នុងឆ្នាំ២០២៥ AYEC លើកទី ១០ នឹងត្រូវប្រារព្ធធ្វើនៅប្រទេសម៉ាឡេស៊ី។

នៅក្នុងកម្មវិធីនេះបានរៀបចំឱ្យមានសុន្ទរកថាសំខាន់ៗជាច្រើនពីអ្នកជំនាញ មកពីបណ្ដាប្រទេសសមាជិកអាស៊ាន រួមទាំងការពិភាក្សាតុមូលទៅលើប្រធានបទល្អៗ ដោយផ្ដោតលើបញ្ហាប្រឈម ដំណោះស្រាយ និងឱកាសវិនិយោគ ឌីជីថល និងសមាហរណកម្មសេដ្ឋកិច្ចក្នុងតំបន់។ បន្ថែមលើនេះ កម្មវិធីនេះក៏បានបង្ហាញពីឯកសារក្រដាសស (White Paper) ស្តីពីការកសាងប្រព័ន្ធអេកូឡូស៊ីអាស៊ាន ដើម្បីពង្រឹងភាពជាសហគ្រិនរបស់យុវជន រួមទាំងការពិភាក្សាអំពីនិន្នាការអាជីវកម្មសម្រាប់សហគ្រិនវ័យក្មេងក្នុងយុគសម័យឌីជីថល។

ជាងនេះទៅទៀត សមាគមសហគ្រិនវ័យក្មេងកម្ពុជា តំណាងដោយលោក ឡាយ គីមសួរ អនុប្រធានសមាគម បានចុះហត្ថលេខាលើអនុស្សរណៈនៃការយោគយល់ ទ្វេភាគី ជាមួយសមាគមសហគ្រិនវ័យក្មេងឡាវ (YEAL) ដើម្បីលើកកម្ពស់កិច្ចសហប្រតិបត្តិការអាជីវកម្មរវាងប្រទេសទាំងពីរ។ ក្នុងព្រឹត្តិការណ៍នេះ ប្រតិភូសមាគមក៏បានពង្រឹងទំនាក់ទំនងយ៉ាងសកម្មជាមួយសហគ្រិនវ័យក្មេងអាស៊ាន។ កម្មវិធីនេះបានបញ្ចប់ដោយប្រទេសឡាវ ប្រគល់ភាពជាម្ចាស់ផ្ទះទៅកាន់ម៉ាឡេស៊ី ដើម្បីរៀបចំ AYEC លើកទី ១០ ក្នុងឆ្នាំ ២០២៥ ខាងមុខនេះ។

——————————

Vientiane Capital, Laos PDR, 3rd October 2024 – Oknha Pech Bolen, President of the Young Entrepreneurs Association of Cambodia (YEAC) and head of the ASEAN Young Entrepreneurs Council (AYEC) Cambodia, led 20 delegates from Cambodia to participate in the 9th ASEAN Young Entrepreneurs (AYE) Carnival 2024 in Vientiane, Laos PDR.

AYEC is the official voice of young entrepreneurs in the ASEAN policy-making process. It was successfully proposed by the ASEAN Business Advisory Council (ASEAN-BAC) to the ASEAN Leaders in 2015 and launched later that year in Kuala Lumpur, Malaysia. AYEC consists of a network of government-endorsed young entrepreneur associations from all 10 ASEAN Member States. This is an annual event, and the next carnival will be held in Malaysia, marking the 10th Anniversary of AYEC.

During the event, there were many keynote speeches by experienced professionals and experts from ASEAN, including panel discussions on a variety of topics such as investment challenges and opportunities, the digital drivers of ASEAN, and collaboration for regional economic integration. A white paper on building an ASEAN ecosystem to strengthen inclusive youth entrepreneurship, as well as discussions on business trends for young entrepreneurs in the digital era, were also presented.

Moreover, YEAC, represented by Mr. Lay Kimsuor, Vice President of YEAC, signed a bilateral MoU with the Young Entrepreneurs Association of Laos (YEAL) to promote business collaboration between the two countries. Throughout the event, YEAC delegates actively strengthened relationships and expanded their network with ASEAN young entrepreneurs during the AYE Carnival 2024 Gala Dinner, fostering meaningful connections.

The AYE Carnival concluded with a handover ceremony from Laos to Malaysia, the host for the 10th Anniversary of the AYE Carnival in 2025.

ព័ត៌មានបន្ថែម: https://linktr.ee/yeacambodia

[English below]
ទីក្រុងវៀងច័ន្ទន៍ ប្រទេសឡាវ នាថ្ងៃទី០២ ខែតុលា ឆ្នាំ២០២៤ ឧកញ៉ា ប៉ិច បូឡែន ប្រធានគណៈប្រតិភូមកពីសមាគមសហគ្រិនវ័យក្មេងកម្ពុជា (YEAC) និងជាប្រធានក្រុមប្រឹក្សាសហគ្រិនវ័យក្មេងអាស៊ាន (AYEC) ប្រចាំកម្ពុជា រួមជាមួយលោក ស គីណាល់ និងលោក ប៊ុន សម្បត្តិ​ ជាសមាជិកក្រុមប្រឹក្សាសហគ្រិនវ័យក្មេងអាស៊ាន បានចូលរួមកិច្ចប្រជុំក្រុមប្រឹក្សាប្រចាំឆ្នាំ ដើម្បីសង្ខេប និងរៀបចំផែនការសកម្មភាពរបស់ AYEC ជាពិសេសរៀបចំផែនការសម្រាប់កម្មវិធីមហោស្រពសហគ្រិនវ័យក្មេងអាស៊ានលើកទី១០ នៅប្រទេសម៉ាឡេស៊ីនៅឆ្នាំ២០២៥។

កិច្ចប្រជុំបានបានផ្ដោតសំខាន់ទៅលើការពិភាក្សាសំខាន់ៗជាច្រើន រួមទាំងការចាប់ផ្តើមសមាគមសហគ្រិនវ័យក្មេងអាស៊ាន (AYEA) ក្រុមការងារពិភាក្សាគោលនយោបាយ ដើម្បីតំណាងឱ្យសំឡេងរបស់សហគ្រិនវ័យក្មេងទូទាំងអាស៊ាន តាមរយៈក្រុមប្រឹក្សាធុរកិច្ចអាស៊ានដល់ថ្នាក់ដឹកនាំអាស៊ាន និងផែនការសម្រាប់កម្មវិធីមហោស្រពសហគ្រិនវ័យក្មេងអាស៊ានលើកទី១០ ឆ្នាំ២០២៥។ ទន្ទឹមនឹងនេះ AYEC បានរៀបចំផែនការសកម្មភាពយុទ្ធសាស្ត្រ AYEA ឆ្នាំ ២០២៥ និងគ្រោងធ្វើបច្ចុប្បន្នភាពសម្រាប់ផែនការសកម្មភាពយុទ្ធសាស្រ្តឆ្នាំ ២០៣០ ផងដែរ។
——————————
Vientiane Capital, Laos PDR, 2nd October 2024 – Oknha Pech Bolen, Head of Delegation from the Young Entrepreneurs Association of Cambodia (YEAC) and Head of ASEAN Young Entrepreneurs Council (AYEC) Cambodia, together with Mr. Sar Kinal and Mr. Bun Sambath, ASEAN Young Entrepreneurs Council Members, attended the Annual Council Meeting to recap and plan for AYEC activities, particularly focusing on preparations for the 10th ASEAN Young Entrepreneurs Carnival in Malaysia in 2025.

The meeting covered several key discussions, including the beginning of the ASEAN Young Entrepreneurs Association (AYEA), the formation of a Policy Dialogue Working Group to represent the voice of young entrepreneurs across ASEAN via the ASEAN Business Advisory Council to ASEAN Leaders, and the planning of the 10th ASEAN Young Entrepreneurs Carnival in 2025. Additionally, AYEC has developed the AYEA Strategic Action Plan 2025 and is planning to update it to the Strategic Action Plan 2030.

ព័ត៌មានបន្ថែម: https://linktr.ee/yeacambodia