ថ្ងៃទី៣០ ខែសីហា ឆ្នាំ២០២២ ក្នុងឱកាសនៃដំណើរទស្សនកិច្ចសិក្សារបស់គណៈប្រតិភូជប៉ុនមកកម្ពុជា អង្គការពាណិជ្ជកម្មក្រៅប្រទេសជប៉ុន ឬហោថា JETRO បានរៀបចំអាហារថ្ងៃត្រង់ជួបជុំធុរកិច្ច ដើម្បីផ្តល់ឱកាសអាជីវកម្មដល់គណៈប្រតិភូជប៉ុនក្នុងការភ្ជាប់ទំនាក់ទំនងជាមួយពាណិជ្ជករកម្ពុជាដែលមានសក្តានុពលមកពីសភាពាណិជ្ជកម្មកម្ពុជា (CCC) និងសមាគមសហគ្រិនវ័យក្មេងកម្ពុជា (YEAC) ដោយមានការចូលរួមជាកិត្តិយសពី អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា សមាជិកសភាពាណិជ្ជកម្មកម្ពុជា លោក ស៊ាង សុបញ្ញា ប្រធានសមាគមសហគ្រិនវ័យក្មេងកម្ពុជា លោកស្រី Marisa Haruta ប្រធានតំណាងក្រុមហ៊ុន JETRO ប្រចាំទីក្រុងភ្នំពេញ រួមជាមួយប្រតិភូមកពីសហគ្រិនជប៉ុន និងកម្ពុជា។ ក្នុងការរៀបចំអាហារថ្ងៃត្រង់ជួបជុំធុរកិច្ចគណៈប្រតិភូជប៉ុន និង អ្នកជំនួយកម្ពុជាបានធ្វើការផ្លាស់ប្តូរ កិច្ចពិភាក្សា និង ស្វែងយល់ពីអាជីវកម្មកពីគ្នាទៅវិញទៅមក។

ក្នុងនាមជា YEAC យើងតែងតែលើកទឹកចិត្ត និង គាំទ្រដល់សមាជិករបស់យើងក្នុងការសហការជាមួយ គណៈប្រតិភូជប៉ុនទាក់ទងនឹង ការវិនិយោគការនាំចេញនិងការនាំចូលទៅកាន់ប្រទេសជប៉ុន។